V Concursu de Microrelatos

Güei vengo a cuntavos dalgo mui prestoso, nel IES Valle de Aller, el mio institutu, ta entamando a falase una vegada más del concursu de microrelatos, el plazu d'inscripción sedrá fasta'l 22 de marzu, esto prestame muncho porque a mí, prestame abondo escribir. Asina que tol mundu a escribir dalgún microrelatu ,pudiendo ser, n'asturianu :)

Equí vos dexo les bases del concursu:

1.- Los trabayos han presentase en fueyes de tamañu A4. Si se escriben a ordenaor el tamañu la lletra tien de ser el 12. Tienen que respetase les normes de los testos, no que cinca a los márxenes y a la ortografía.

2.- El tema sedrá llibre. Los trabayos nun puen tar espublizaos. Nun van poder presentáse trabayos premiaos n'otros concursos.

3.- Los microrelatos pues presentáse en castellán o n'asturianu, ensin importar en cualesquier d'estes dos llingües lu presentes.

4.- Los microrelatos nun podrán tener más de 200 pallabres.

5.- Establecense tres estayes:
Estaya A - Pa los escolinos de 1º y 2º de ESO.
Estaya B - Pa los escolinos de 3º Y 4º de ESO.
Estaya C - Pa los escolinos de Bachilleratu y ciclos formativos.

6.- En toes les estayes va haber un premiu y un accésit(exceutu que'l xuráu nun opine asina). El xuráu va poder dexar los premios ermos si la xente nun participase o si al so xuiciu, los trabayos presentáos nun fueren lo bastante bonos.

7.- Los orixinales tienen d'entregase en Secretaría d'esti centru n'hores d'oficina (8:30 a 14:30), nun sobre zarráu nel que tien de escribise: "V CONCURSU DE MICRORELATOS DEL IES VALLE DE ALLER", el títulu del microrelatu, l'acuñamientu del so autor y la estaya que correspuenda. Dientro d'esti sobre axuntarase'l trabayu presentáu a concursu y n'otru sobre más piquinu van escribise los datos del concursante.

8.-El xuráu va tar iguau polos profesores del Departamentu de llingua y tamién van poder axuntáse al xuráu profesores d'otros Departamentos. El resultáu de les votaciones del xuráu sedrá inapelable.

9.- Los alumnos premiaos van recibir un vale canxeable por llibros y material escolar.. Los vales van tener el valor dee 40 euros pal ganaor de la estaya A, de 50 euros pal ganaor de la estaya B y de 60 euros pal ganaor de la estaya C. Los vales pal accésit de la estaya A sedrán de 20 euros, de 25 euros pa la estaya B y de 30 pa la estaya C.

10.- EL plaxu pa presentar los trabayos fina'l 22 de marzu de 2013 a les 14:30 hores. Los premiios van entregase'l Día del llibru.
Los ganaores de cada estaya lleéran en públicu el trabayu premiáu.

11.-Los trabayos premiaos van asoleyase nel anuariu del Centru y sedrán propiedá d'esti Departamentu, qué va poder espublizalos n'otros medios y dedicalos, si asina lo quier, al trabayu na clas.

12.- El fechu de presentáse a esti concursu quier dicir qu'aceptes toes y cada una d'estes normes.

Departamentu de Legua Catellana y Literatura.